Абмежаванні і забароны на наведванне лясоў уведзены ў 54 раёнах Беларусі
2- 6.05.2022, 20:51
- 6,140
У якіх менавіта?
У Беларусі забароны і абмежаванні на наведванне лясоў дзейнічаюць у 54 раёнах, паведамляе zerkalo.io са спасылкай на Міністэрства лясной гаспадаркі.
Між іншым, забаронена наведваць лясы ў Калінкавіцкім, Мазырскім, Нараўлянскім, Гомельскім, Лоеўскім, Брагінскім раёнах Гомельскай вобласці.
У Магілёўскай вобласці паходы ў лес абмежаваны ў Касцюковіцкім і Хоцімскім раёнах. Таксама абмежаванні дзейнічаюць у 10 раёнах Гомельскай вобласці, трох раёнах на мяжы з Украінай у Берасцейскай вобласці і на большай частцы Гарадзенскай і Менскай абласцей: на Гарадзеншчыне наведванне лясоў абмежавана ў 13 раёнах, а на Меншчыне - ва ўсіх, акрамя Лагойскага і Мядзельскага.
У Віцебскай вобласці для свабоднага наведвання пакуль адкрыты ўсе лясы.
Звычайна ў раёнах, дзе ўведзеная забарона на наведванне лясоў, у лес не варта заходзіць зусім. А вось абмежаванні ўстанаўліваюцца індывідуальна лясгасамі: у раёнах, дзе яны ўведзены, можа быць дазволены, напрыклад, уваход у лес для збору ягад або грыбоў.