Літоўскі дэпутат прынізіў прапагандыста Салаўёва
13- 12.06.2022, 19:51
- 26,050
Матас Малдэйкіс высмеяў расейскіх акупантаў.
Дэпутат літоўскага сейма Матас Малдэйкіс патроліў расейскага прапагандыста Уладзіміра Салаўёва, які прапанаваў Літве захапіць Смаленск, піша "Главред".
У сваім Twitter ён высмеяў расейскіх акупантаў, якія ва Украіне займаюцца масавым марадзёрствам, у тым ліку побытавай тэхнікі.
Літавец адзначыў, што ўрывацца ў РФ ён не збіраецца, бо пральная машына ў яго ўжо ёсць.
Адзначым, што раней Малдэйкіс заявіў, што калі Расея скасуе пастанову аб незалежнасці Літвы, у адказ будзе скасаваная дамова 1634, якая запатрабуе вярнуць краіне захопленыя тэрыторыі.
У адказ Салаўёў у сваёй праграме зладзіў істэрычны выступ, у якім заклікаў літоўскага палітыка ўварвацца ў Расею і акупаваць Смаленск.
"Гэты хлопец толькі што прапанаваў мне ўварвацца ў Расею! Не, дзякуй, у мяне ўжо ёсць пральная машына", – пракаментаваў словы прапагандыста Малдэйкіс.