У Клімавіцкім раёне падлетак патануў на возеры разам з канём

Рыбак, які знаходзіўся побач, дапамагчы не змог.

Няшчасны выпадак адбыўся ўвечары 13 чэрвеня на возеры каля вёскі Барысавічы Клімавіцкага раёна Магілёўскай вобласці. Мясцовыя жыхары паведамілі ратавальнікам пра 14-гадовага падлетка, які патануў разам з канём, паведамляе «Белсат».

Пастух, які заганяў статак, убачыў, што на паверхні вады плавае мёртвае цела каня. Раней хлопчык пайшоў выкупаць каня. Прыбылыя ратавальнікі дасталі каня з вады, а вадалазы дасталі патанулага хлопчыка.

Абставіны гібелі высвятляюцца. Як паведамляюць следчыя, падлетак пачаў рухацца ўздоўж берага верхам на кані, а праз некалькі дзясяткаў метраў жывёла патрапіла на глыбіню і схавалася разам з падлеткам.

Рыбак, які знаходзіўся побач, дапамагчы не змог праз свой сталы ўзрост.