Украінская выведка адрэагавала на пагрозы РФ атакаваць амбасаду ЗША ў Кіеве
4- 24.06.2022, 21:33
- 9,540
Пагроза накіраваная на ўсе цывілізаваныя краіны свету, якія падтрымліваюць Украіну.
Пагрозы Расеі атакаваць амбасаду ЗША ў Кіеве зноў робяць актуальным пытанне закрыцця неба над усёй тэрыторыяй Украіны. Пра гэта паведамляе прэс-служба Галоўнай управы разведкі (ГУР) Мінабароны Украіны ў Telegram.
У ГУР нагадалі, што 23 чэрвеня дэпутат Дзярждумы РФ Юры Швыткін заклікаў ударыць па амбасадзе ЗША ў Кіеве.
«Абгрунтаваннем для такога кроку, з гледзішча расейскага дэпутата, могуць стаць пастаўкі Украіне найноўшай заходняй зброі. Напрыклад, рэактыўныя сістэмы залпавага агню Himars», – дадалі ў прэс-цэнтры.
У ГУР падкрэслілі, што гэтая пагроза накіраваная як на ЗША, так і на ўсе цывілізаваныя краіны свету, якія падтрымліваюць Украіну.
«Такім чынам, яна чарговы раз актуалізуе пытанне пра неабходнасць закрыцця неба над Кіевам і ўсёй Украінай», – дадалі ва ўстанове.