На Запарожскай АЭС акупанты рыхтуюць сур'ёзную правакацыю

Аб небяспецы папярэдзіў украінскі «Энэргаатам».

Расейскія акупанты рыхтуюць сур'ёзную правакацыю на часова акупаванай Запарожскай атамнай электрастанцыі ў Энэргадары.

Аб небяспецы паведамляе НАЭК «Энергаатам».

«Захопнікі, якія знаходзяцца на ЗАЭС, збіраюцца абвінаваціць украінскіх атамшчыкаў у захоўванні зброі на тэрыторыі станцыі. Для гэтага затрымалі некалькіх работнікаў і катаваннямі патрабуюць у іх прызнання, дакладней - агаварыць сябе, што нібыта яшчэ ў сакавіку ў бетонныя чары астуджальных басейнаў на ЗАЭС яны скінулі нейкую зброю: ці то бомбы, ці то набоі», - гаворыцца ў паведамленні.

Як падкрэслілі ў кампаніі, пад гэтай падставай акупанты намагаюць на асушцы ахаладжальных басейнаў - для праверкі яго чар - і прыпынення помпаў, якія падаюць ваду ў сістэмы бяспекі энэргаблокаў.

«Калі гэта адбудзецца, то сістэмы бяспекі найбуйнейшай у Еўропе атамнай станцыі застануцца без ахаладжэння, што ўжо само па сабе з'яўляецца сур'ёзным парушэннем і можа пагражаць ядзернай бяспецы. Да таго ж, такія работы немэтазгодна праводзіць у цёплы час года праз рызыку перагрэву і адмовы абсталявання. Але самым галоўным застаецца пытанне кантролю дзеянняў акупантаў, бо пад выглядам «правядзення праверкі» яны могуць накідаць у бетонныя чары ўсё што заўгодна: выбухоўку, не разарваных набояў, іншую зброю. А потым абвінаваціць у гэтым працаўнікоў ЗАЭС або яе абаронцаў і зрабіць гэта фармальнай падставай для запрашэння на станцыю МАГАТЭ і прадстаўленне гэтых «фактаў». Ды яшчэ і карцінку для прапагандысцкіх расейскіх СМІ зрабіць - як расейцы аб бяспецы станцыі клапоцяцца, а ўкраінскі персанал яе парушае», - растлумачылі ў «Энэргаатаме».

У кампаніі падкрэслілі, што ўсякая зброя, знойдзеная на тэрыторыі ЗАЭС, - гэта зброя акупантаў, якую яны выкарыстоўваюць для ўчынення ядзернага тэрарызму і пагроз усяму свету новай страшнай катастрофай.