У Луганскай вобласці УСУ зайшлі ў фланг кадыраўцаў і нанеслі ім вялікія страты
- 30.06.2022, 12:12
- 10,456
Аперацыю правялі дэсантнікі з 81-й брыгады.
Украінскія вайскоўцы кожны дзень дэманструюць неапісальную мужнасць у супрацьстаянні з "другім войскам свету". Пад іх прыцэл трапляюць і кадыраўцы.
Аб паспяховай працы ўкраінскіх дэсантнікаў распавёў камандзір падраздзялення 81-й асобнай аэрамабільнай брыгады ДШУ УСУ. Заўважым, прозвішча маёра не ўказваюць. Магчыма, з меркаванняў бяспекі.
Маёр адзначыў, што яго падраздзяленне абараняла Рубежнае, Севераданецк і Лісічанск. Адзін з баёў камандзір успамінае з асаблівым гонарам. Тады на адзін са ўзводных апорных пунктаў выйшла блізу 60-70 кадыраўцаў падраздзялення "Ахмат". Камандзір роты загадаў украінскім абаронцам перагрупавацца. У выніку эфектыўных дзеянняў УСУ кафіры страцілі 10 байцоў, а яшчэ 8 - атрымалі раны.
"Уявіце сабе, аэрамабільна-дэсантнае аддзяленне зайшло ў фланг наймітаў і нанесла ім значныя страты. Яны вымушаны былі адыходзіць, а дакладней уцякаць", - успомніў вайсковец.
Маёр падкрэсліў, што ягоныя камандзіры аддзяленняў, галоўныя сяржанты ўзводаў і рот знішчалі тэхніку і асабовы склад захопнікаў "на нуль". А адзін воін-дэсантнік мог знішчыць цэлае парашутна-дэсантнае аддзяленне акупантаў.
Баец падкрэсліў, што Дэсантна-штурмавыя войскі - гэта вялікі давер адзін да аднаго. Бо кожны ваяр ведае, што іншы заўсёды падтрымае яго цаной свайго жыцця.