«Ад кінутага недакурка такое не здараецца»
8- 10.08.2022, 20:07
- 11,562
Міністр абароны Брытаніі высмеяў версію акупантаў аб выбухах на аэрадроме ў Крыме.
Міністр абароны Вялікабрытаніі Бэн Уолес у сераду, 10 жніўня, пракаментаваў выбухі на вайсковым аэрадроме ў раёне Новафёдараўкі ў акупаваным Крыме. Пра гэта паведамляе ў Twitter карэспандэнт BBC Джонатан Біл.
Са слоў Уолеса, Брытанія яшчэ высвятляе падрабязнасці выбухаў, але малаверагодна, што да гэтага мае дачыненне заходняя зброя. Ён таксама высмеяў версію расейскіх прапагандыстаў, сказаўшы, што «ад кінутага недакурка такое не здараецца». Міністр адзначыў, што аэрадром у Крыме можа быць законнай мішэнню для Украіны.
Раней The Washington Post са спасылкай на неназванага ўкраінскага чыноўніка паведаміла, што за атакай на аэрадром каля Новафёдараўкі ў акупаваным Крыме стаяць украінскія Сілы спецаперацый.
🇬🇧DefSec Ben Wallace says still trying establish facts on #Crimea explosions, but says “unlikely” western supplied weapons involved and “pretty much dismissed most of #Russia excuses…it’s not something that happens by dropping a cigarette”. Says would be legit target for Ukr
— Jonathan Beale (@bealejonathan) August 10, 2022
