Расейскія акупанты ўтапілі свой «вядомы» танк Т-72
11- 11.08.2022, 11:34
- 8,872
Захопнікі заехалі на тэхніцы проста ў раку.
Пакуль байцы механізаванай брыгады УСУ імя Уладзіміра Манамаха знішчаюць акупантаў, яны самі ім у гэтым дапамагаюць. У сеціве з'явілася відэа, як расейцы на танку проста заязджаюць у раку і топяцца.
«Асобная механізаваная брыгада імя князя Уладзіміра Манамаха прыбірае лішнія элементы з украінскай зямлі. Маскоўскія бедствы - ваяры ўтапілі свой «вядомы» Т-72. З дна да нас прыйшлі, на дно і адправіліся», - паведамляе брыгада імя Манамаха.
Байцы жартуюць і падкрэсліваюць, што нездарма народная мудрасць кажа «не ведаючы броду, не лезь у ваду».
«Наглыталіся ўкраінскай вадзіцы ... Працягваем выконваць баявыя заданні і знішчаць ворагаў Украіны», - адзначаюць украінскія вайскоўцы.