Выбухі ў Зябраўцы: украінскія ДРГ адчуваюць сябе ў Беларусі, як дома

«Кардоннасць» воінства Лукашэнкі была прадэманстраваная ва ўсёй красе.

Пакуль сіняпальцы ўзмоцнена робіць выгляд, што нічога асаблівага ў Зябраўцы не адбылося і наведвае малочныя прадпрыемствы, вайсковыя хунты задумаліся не на жарт, піша тэлеграм-канал «Нік і Майк». Пра тое, што ўкраінскія дыверсійна-выведвальныя групы адчуваюць сябе ў Беларусі, як дома, здагадваліся даўно, але цяпер гэта стала відавочным. А лакатар для С-400, які быў выведзены са строю, блакаваў працу цэлага дывізіёна ЗРК.

Пытанне, што рабіць далей?

Па-першае, трэба ціха знайсці казлоў адпушчэння. Для пачатку сярод памежнікаў, якія празявалі пераход мяжы. І сярод аховы аб'екта. Дылема, дарэчы, падобная да расейскага субрата. Як пакараць так, каб не моцна кідалася ў вочы, што ўсё вельмі кепска. Гэта ж не плюшавыя мядзведзі з лёгкаматорнага самалёта, а сігнал аб тым, што нават не самы актыўны ўдзел у вайне супраць Украіны мае свае межы.

Па-другое, як прадухіліць такія аперацыі надалей. Тут таксама няма адказу, бо барацьба з уласнымі безабароннымі грамадзянамі і прафесіяналамі - гэта абсалютна розныя паняцці. На вучэннях, калі ўсё вядома загадзя, лёгка перамагаць умоўнага ворага. У рэальнасці - нашмат складаней. І калі ўзмоцненая групоўка не ў стане затрымаць украінцаў, што ж тады казаць пра месцы, дзе ідзе звычайнае дзяжурства? Увогуле, паранойя.

Зыходзячы з нашага досведу, можна меркаваць, што асноўныя намаганні будуць сканцэнтраваныя на пошуку казлоў адпушчэння сярод сярэдняга афіцэрскага складу. А вось старэйшыя таварышы абыдуцца лёгкім спалохам і будуць вымушаныя змірыцца з больш трывожным сном.

Уся кардоннасць воінства хунты была прадэманстраваная ва ўсёй красе.