27 лiстапада 2022, Нядзеля, 2:21
Сім сім, Хартыя 97!
Рубрыкі

Расейцы масава скупляюць нерухомасць у Грузіі

19
Расейцы масава скупляюць нерухомасць у Грузіі

Апазіцыя б'е трывогу.

У Грузіі заклікаюць урад абмежаваць грамадзянам РФ бескантрольны ўезд і магчымасць купляць нерухомасць у краіне. З такой заявай выступіў адзін з лідараў апазіцыйнай партыі "Адзіны нацыянальны рух", паведамляе выданне "Навіны Грузія".

Леван Хабеішвілі заявіў, што з моманту пачатку поўнамаштабнага ўварвання Расеі ва Украіну грамадзяне РФ набылі ў Грузіі 3 245 аб'ектаў нерухомасці. З падлікаў палітыка, колькасна - гэта цэлы мікрараён Тбілісі.

Акрамя таго, са звестак Хабеішвілі, да 16,5 тысяч расейцаў атрымалі дазвол на жыхарства ў Грузіі, а больш за 6,5 тысяч - зарэгістравалі ў краіне бізнэс.

Палітык перасцерагае, што гэта можа несці небяспеку для Грузіі, асабліва пры далейшым бескантрольным прыбыцці расейцаў у краіну.

“Заклікаем Мінюст Грузіі абмежаваць куплю грамадзянамі РФ нерухомасці ў краіне і прыняць меры для кантролю за тымі, хто прыязджае з Расеі. Гэтыя людзі ніяк не абмежаваныя, і мы не ведаем, ці не парушаюць яны Закон аб акупацыі”, - заявіў Хабеішвілі.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».