Апублікаваная карта масаваных удараў УСУ па расейцах на поўдні
2- 13.08.2022, 19:57
- 8,816
Прылёт набояў быў зафіксаваны нават на адлегласці больш за 100 кіламэтраў ад лініі фронту.
Падраздзяленні Узброеных сіл Украіны прыцэльнымі ўдарамі знішчылі вайсковыя аб'екты УС РФ, размешчаныя ў тыле на акупаваных тэрыторыях. Пра гэта паведамляе Telegram-канал "УСУ - вайна з акупантамі".
Адзначаецца, што ўкраінскія вайскоўцы амаль адначасова нанеслі прыцэльныя ўдары па пазіцыях акупацыйных войскаў, а прылёт набояў былі зафіксаваны нават на адлегласці больш за 100 кіламэтраў ад лініі фронту.
На працягу 13 жніўня выбухі прагрымелі ў:
- Мелітопалі, Запарожская вобласць
- Наватроіцкім, Херсоншчына
- Ніжніх Серагазах, Херсоншчына
- Вялікай Благавешчанцы, Херсоншчына
- Чаплінцы, Херсоншчына
- Чкалаве, Херсоншчына
- Новай Кахоўцы, Херсон.
Аўтары публікацыі адзначаюць, што Наватроіцкае размешчанае за 140 кіламэтраў ад фронту, Чаплінка – 110 кіламэтраў, а Чкалава – блізу 120 км.