Два гады таму прайшоў найбуйнейшы ў гісторыі Беларусі мітынг

16 жніўня 2020 года пратэставалі ўсе буйныя гарады краіны.

Днём 16 жніўня 2020 года ў Менску сабраўся гіганцкі "Марш свабоды" - у ім, паводле розных ацэнак, узялі ўдзел ад 300 тысяч чалавек да 500 тысяч. Гэтая акцыя стала найбуйнейшым пратэстам у гісторыі Беларусі.

Пратэсты ў той дзень прайшлі амаль ва ўсіх буйных гарадах Беларусі. Мітынгавалі Берасце, Бабруйск, Барысаў, Белаазёрск, Віцебск, Вілейка, Гародня, Койданава, Дзятлава, Жлобін, Жодзіна, Карэлічы, Крычаў, Лунінец, Мёры, Паставы, Пінск, Слонім, Старыя Дарогі, Чавусы і іншыя гарады.