Расея страціла ў Крыме вельмі магутную зброю

Кіраўнік Меджліса расказаў новыя падрабязнасці аб серыі выбухаў на паўвыспе.

Учора ў Крыме раздаліся выбухі адразу ў двух месцах. Раніцай здарылася выбух на складзе боепрыпасаў пад Джанкоем, а днём нехта пакурыў на вайсковай авіябазе ў пасёлку Гвардзейскае пад Сімферопалем. Выбухі на паўвыспе добра напалохалі няпрошаных гасцей, праз гэта на вакзалах назіраюцца чэргі, а Крымскі мост даслоўна стаіць у заторы.

Якія наступствы курэння ў неўстаноўленых месцах у Крыме, хто бяжыць з паўвыспы і як выбухі паўплывалі на мясцовых жыхароў - у эфіры Апостраф TV распавёў кіраўнік Меджліса крымска-татарскага народа Рэфат Чубараў.

- Мы бачым велізарныя чэргі на Керчанскім мосце. Пра якія яшчэ наступствы ўдараў па часова акупаваным Крыме вы можаце расказаць?

- Вялікія чэргі цяпер мы назіраем на чыгуначным вакзале ў Сімферопалі. Акупанты скарацілі колькасць цягнікоў з Сімферопаля на Маскву і іншыя гарады Расеі. Рэч у тым, што чыгуначны транспарт так пабудаваны ў Крыме, што ўсе цягнікі, якія з Сімферопаля ці Севастопаля адпраўляюцца на поўнач, абавязкова праходзяць праз Джанкой, затым яны перанакіроўваюцца - раней праз Запарожжа і Мелітопаль на Маскву было, а зараз па мосце праз Керчанскую затоку. Для таго каб выйсці на гэты мост, цягнікам усё адно трэба перасякаць Джанкой. А там зараз заблакавана ўсё. Таму пасажыраў на аўтобусах адвозяць ва Уладзіславаўку - станцыя такая знаходзіцца пад Феадосіяй. Там ужо іх саджаюць на цягнікі, і яны накіроўваюцца з акупаванага Крыма на тэрыторыю Расеі.

Трафік на аўтамабільных дарогах павялічыўся цягам дня. Думаю, што гэта адпачывальнікі. У асноўным, грамадзяне РФ, якія прыехалі на курорт, таму што ў іншыя краіны ім зараз паехаць вельмі складана. Няма віз, санкцыі ў шмат якіх краінах, таму яны ехалі ў Крым. Цяпер яны шукаюць шляхі, як хутчэй выбрацца адтуль.

Нашы людзі гавораць аб тым, што грамадзяне Расеі ўжо не чакаюць заканчэння сваіх запланаваных адпачынкаў. Так пасля першага выбуху на аэрадроме ў Новафёдараўцы, так і пасля выбухаў пад Джанкоем, а таксама на аэрадроме ў пасёлку Гвардзейскае пад Сімферопалем.

- Вы кажаце, выязджаюць турысты. А як наконт афіцэрскіх сем'яў?

- У нас няма сумневаў, што частка з іх ужо пацягнулася на выхад. Мы зараз спрабуем маніторыць аб'явы аб продажы нерухомасці ў Крыме. Пакуль у нас няма звестак, якія б казалі аб значным росце аб'ёмаў продажаў, але, думаю, што мы гэта ўбачым днямі, бо на тэрыторыі акупаванага Крыму ўжо было два такіх пэўныя мэсэджы тым, хто пасяліліся ў Крыме, а таксама сем'ям тых, хто служыць у карных органах акупацыйных улад, або вайскоўцам.

Гэта адбылося яшчэ 9 жніўня, калі пад Сакамі ў Новафёдараўцы было знішчана як мінімум 9 сучасных вайсуовых самалётаў расейскага войска. А каля Джанкоя - адзін з самых магутных складоў. Яшчэ будуць вызначацца параметры гэтага склада боепрыпасаў, але ўсё выглядае так, што на гэтым складзе ў вёсцы Майскае каля пасёлка Азоўскае былі сканцэнтраваны сучасныя зэнітна-ракетныя комплексы, якія не толькі павінны былі быць размешчаны на тэрыторыі паўвострава, але і павінны былі быць вывезены ў Мелітопаль, у Хэрсонскую вобласць. Адтуль яны павінны былі быць задзейнічаны супраць Узброеных сіл Украіны.

Відавочна, што Узброеныя сілы Украіны проста загадзя ўсё гэта вельмі выразна спланавалі і апярэдзілі супраціўніка, у якога не проста ўзарваўся склад, а ён страціў тыя магутныя тыпы зброі, з якімі рыхтаваў новы наступ.

- Расейцы традыцыйна з перабольшаннямі заяўляюць, што мясцовае насельніцтва жудасна пакутуе ад украінскіх удараў. Маўляў, украінцы б'юць па мясцовым насельніцтве. У вас ёсць нейкія звесткі, наколькі даляцела ад аэрадромаў, складоў і баз да дамоў мясцовых жыхароў?

- Я буду гаварыць як ёсць. Кожны чалавек, які жыве на тэрыторыі, дзе ідуць ваенныя дзеянні, ці зазнае ўдары або бамбаванні, баіцца за сваё жыццё і жыццё сваіх блізкіх - гэта нармальна.

Адносна выбухаў у Майскім. Рэч у тым, што гэты магутны склад, які ўзарваўся ўвесь, таму што дэтанаваў не адну гадзіну, быў абсталяваны крыху далей ад дамоў. Гэта быў закінуты жывёлагадоўчы комплекс - ферма. І ў гэтых пабудовах расейскія акупанты зладзілі склад боепрыпасаў. Таму зараз у нас няма звестак пра, не дай Бог, нейкія чалавечыя страты. Я маю на ўвазе сярод мірнага насельніцтва. Але ў нас ёсць звесткі аб тым, што ў многіх дамах знесеныя дахі.

У пасёлку Азоўскае ёсць крымска-татарская школа. Я дакладна ведаю, мне тэлефанавалі, што ў гэтай школе выбітыя амаль усе шыбы ад магутнасці выбуху. Але, дай Бог, каб сярод людзей не было ахвяр. Мы гаворым усім людзям, што ўсе павінны быць гатовы да такіх з'яў. У іх павінны быць загадзя нарыхтаваныя месцы, каб яны засцерагаліся самі і засцерагалі сваіх дзяцей.