3 снежня 2022, Субота, 22:35
Сім сім, Хартыя 97!
Рубрыкі

ГУР: Расея вярбуе наймітаў з Цэнтральнай Азіі, у Чачэніі расце абурэнне

ГУР: Расея вярбуе наймітаў з Цэнтральнай Азіі, у Чачэніі расце абурэнне

Мусульмане не жадаюць удзельнічаць у «чужой» вайне.

Расея вярбуе грамадзян Узбекістана, Таджыкістана і Кыргызстана ў Маскоўскім рэгіёне ў шэрагі УС Расеі. У той жа час у Чачэніі расце абурэнне ўдзелам мусульман у вайне паміж «хрысціянскімі» народамі.

Пра гэта паведамляе ГУР.

Разведчыкі сцвярджаюць, што расейскае камандаванне спрабуе ўсё больш актыўна залучаць ва УС РФ замежнікаў, паколькі колькасць расейскіх грамадзян, якія хочуць адправіцца на вайну ва Украіну, скарачаецца.

У Маскоўскай вобласці супрацоўнікам ваенных камісарыятаў і аддзелаў паліцыі далі ўказанне «праводзіць агітацыйныя мерапрыемствы» з грамадзянамі Узбекістана, Таджыкістана і Кыргызстана.

«Акрамя фінансавага стымулу, тым хто пагодзіцца падпісаць кантракт і паехаць ва Украіну, прапануецца атрыманне расейскага грамадзянства», - гаворыцца ў паведамленні.

Адначасова ў Чачэніі працягваецца фармаванне і падрыхтоўка чатырох батальёнаў для адпраўкі на вайну ва Украіну.

Са слоў выведчыкаў, значную частку «добраахвотнікаў» у сфармаваных батальёнах складаюць выкрадзеныя чачэнскімі сілавікамі мясцовыя маладыя мужчыны, у асноўным з сельскай мясцовасці.

Пад пагрозай крымінальнага пераследу ў сфабрыкаваных абвінавачаннях або пад катаваннямі іх прымушаюць падпісваць кантракты для ўдзелу ў вайне ва Украіне.

«Практыка выкрадання мужчын для папаўнення добраахвотніцкіх ваенных падраздзяленняў, якія ваююць ва Украіне ва ўгоду Маскве, спараджае хвалі незадаволенасці сярод жыхароў Чачэніі. Грамадзяне рэспублікі выказваюць абурэнне тым, што Кадыраў пасылае мусульман удзельнічаць і гінуць на «чужой» вайне двух хрысціянскіх народаў - расейцаў і ўкраінцаў. Такая палітыка Кадырава ўспрымаецца як здрада мусульманам», - гаворыцца ў паведамленні ГУР.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».