3 лютага 2023, Пятніца, 17:40
Сім сім, Хартыя 97!
Рубрыкі

Украінская выведка: Найбліжэйшым часам на фронце можна чакаць вострых падзей

8
Украінская выведка: Найбліжэйшым часам на фронце можна чакаць вострых падзей

І гаворка не толькі аб прывязцы да нейкіх дат.

Паводле інфармацыі ўкраінскай выведкі, найбліжэйшым часам на фронце можна чакаць вострых падзей.

Пра гэта ў эфіры тэлемарафона паведаміў прадстаўнік прэс-службы Галоўнай управы выведкі Міністэрства абароны Украіны Андрэй Юсаў, піша «Новое время».

«Найбліжэйшым часам, безумоўна, будуць вельмі вострыя падзеі на ўсім фронце. І гаворка не толькі аб прывязцы да нейкіх дат. Цяпер шмат гавораць пра Дзень незалежнасці. Хоць гэты фактар трэба ўлічваць», - адзначыў ён.

Ён нагадаў, што ўкраінская выведка заяўляла, што «жнівень і верасень будуць надзвычай важнымі месяцамі» для далейшага развіцця падзей на фронце.

Юсаў дадаў, што цяпер актыўныя баявыя дзеянні прадаўжаюцца па ўсёй лініі фронту.

«Аб адступленні сёння і аб тым, што Расея адвядзе свае войскі з тэрыторыі Украіны цяпер, яны гаварыць не гатовы, але Украіна будзе вызваляць усе свае тэрыторыі», - сказаў ён.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».