5 кастрычнiка 2022, Серада, 14:52
Сім сім, Хартыя 97!
Рубрыкі

Лонданская фірма падорыць украінцам тысячы тэлефонаў на сонечных батарэях

5
Лонданская фірма падорыць украінцам тысячы тэлефонаў на сонечных батарэях

Тэлефоны перададуць украінцам, якія пазбаўленыя электрычнасці.

Тэхналагічны гігант DADEX падорыць 20 000 мабільных тэлефонаў на сонечных батарэях украінцам, якія пазбаўленыя электрычнасці.

Крэсімір Мостарчыч, брэнд-мэнэджэр DADEX, на прэсавай канферэнцыі ў «Укрінфарм» заявіў:

«Увесь свет ужо некалькі месяцаў назірае за пакутамі ўкраінскага народа. Украіна дае цвёрды адпор, тым не менш увесь свет устурбаваны сучаснасцю і будучыняй Украіны», - сказаў Мастарчыч.

Праглядаючы відэа і фота з сацыяльных сетак і тэлевізара, бачачы, як пакутуюць людзі, ягоныя калегі пачалі збіраць фінансавыя ахвяраванні для ўкраінцаў.

Затым умяшаўся іхні працадаўца DADEX. Тэхналагічная марка перадала Украіне неабходнае абсталяванне: спецыяльныя бездарожнікі, якія дазволяць дабрацца да цяжкадаступнай мясцовасці, асабліва ў наступны зімовы перыяд, і мабільныя тэлефоны на сонечных батарэях, якія з'яўляюцца прадуктам DADEX, і яшчэ нават не былі прадстаўленыя на рынку.

«Украіне будзе перададзена блізу 20 000 тэлефонаў на сонечных батарэях вартасцю блізу 5 мільёнаў еўраў! Тэлефоны на сонечных батарэях можна выкарыстоўваць для сувязі ў месцах, дзе няма электрычнасці, бо яны сілкуюцца ад сонца. Ім трэба зусім няшмат часу, каб увамкнуцца і выкарыстоўваць спадарожнікі для сувязі”, – сказаў Мастарчыч пра сонечныя спадарожнікавыя тэлефоны DADEX. І дадаў, што яны ўжо збіраюцца і будуць дастаўленыя ва Украіну на пачатку верасня.

Дзяніс Тот, мэнэджэр Усходняй Еўропы ў DADEX прызнаўся, што кампанія наведала Украіну і пасля гутарак з жыхарамі пацярпелых мясцін кампанія таксама ахвяруе ўкраінцам 10 000 тэрмакоўдраў, якія сапраўды не будуць лішнімі ў халодную пару года.

Амбасадаркай кампаніі, якая адказвае за сацыяльна-адказныя праекты, з'яўляецца вядомая спявачка Марыя Бурмака. Яна таксама была на прэсавай канферэнцыі, дзе падтрымлівала праект DADEX ва Украіне.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».