Акупанты панікуюць у чаканні масаванага наступу УСУ на Дзень Незалежнасці
6- 18.08.2022, 12:54
- 11,868
Украінская выведка перахапіла размовы расейскіх захопнікаў.
Расейскія акупанты са страхам чакаюць Дня Незалежнасці Украіны.
Усё таму, што УСУ пойдуць вялікім наступам на іх пазіцыі з нагоды свята.
Такое меркаванне выказаў расейскі акупант у размове са сваёй маці. Размовы перахапіла ГУР Мінабароны.
Расейскі вайсковец расказвае сваёй маці пра планы УСУ наконт контрнаступу.
«Да 24 жніўня павінны на нас пайсці вялізнымі сіламі. Дзень незалежнасці ж будзе. Паказальнае пакаранне хочуць зладзіць», – расказвае акупант.
Ягоная маці супакойвае, што такога не дапусцяць і «што-небудзь прыдумаюць».
Сам акупант кажа, што трэба расстраляць іх камбрыга, бо той ужо «трэці тэрмін» трымае іх на пазіцыях і не праводзіць ратацыю.