29 сакавiка 2024, Пятніца, 8:32
Падтрымайце
сайт
Сім сім,
Хартыя 97!
Рубрыкі

Што найбольш падаражэла на рынках у беларускіх рэгіёнах

Што найбольш падаражэла на рынках у беларускіх рэгіёнах

Журналісты склалі параўнальную табліцу за тыдзень.

Журналісты Intex-press пабывалі 18 жніўня на рынку «Універсальны» і паглядзелі, як змяніліся кошты садавіны і гародніны.

РЫНАК РАНІЦА 18 ЖНІЎНЯ. ФОТА: ТАЦЦЯНА МАЛЕЖ

Маніторынг коштаў журналісты праводзілі тыдзень таму - 11 жніўня. За гэты час кошт некаторых тавараў знізіўся, цана нечага падрасла, а кошт некаторых тавараў застаўся ранейшым.

Што патаннела

За тыдзень на 2 рублі знізіўся кошт абрыкосаў, персікаў і вінаграду.

Мінус 1 рубель у нектарыну: на гэты раз кілаграм каштаваў 7,5 рубля.

Патаннелі дыні і бульба. Дыні страцілі за тыдзень 30 капеек, а бульба - 10 капеек.

Што падаражэла

Удвая вырас кошт кабачкоў: 11 жніўня прасілі 50 капеек за кіло, 18-га - 1 рубель.

Значна дадалі ў кошце буякі - адразу 4 рублі на кілаграме. Сёння гэтыя ягады прадавалі ўжо па 15 рублёў.

На рубель «пацяжэла» кукуруза. Плюс 50 капеек у лімонаў. Кошт морквы вырас за тыдзень на 20 капеек.

Што новага

На баранавіцкім рынку 18 жніўня з'явіліся ажыны. За 0,5 літра гэтых ягад прасілі 3 рублі.

Таксама на прылаўках былі заўважаныя брусніцы: літровы слоічак можна было набыць за 6 рублёў, а 0,5-літровы – за 3 рублі.

ФОТА: ТАЦЦЯНА МАЛЕЖ
ФОТА: ТАЦЦЯНА МАЛЕЖ
Напісаць каментар

Таксама сачыце за акаўнтамі Charter97.org у сацыяльных сетках