ЗША прысвояць кодавую назву місіі ў ваеннай дапамозе Украіне і прызначаць камандзіра

Чаму гэта важна?

Адміністрацыя прэзідэнта ЗША Джо Байдэна прысвоіць назву місіі ў падтрымцы Украіны і прызначыць генерала, які будзе кіраваць намаганнямі ў наданні вайсковай дапамогі і навучанні ўкраінскіх вайскоўцаў.

Аб гэтым паведамляе The Wall Street Journal са спасылкай на крыніцы сярод афіцыйных амерыканскіх асоб.

Газета адзначае, што місіі ЗША і NATO ў Іраку і Афганістане таксама насілі кодавыя назвы - "Ірацская свабода", "Нязломная свабода" і "Вартавы свабоды".

Са звестак WSJ, прысваенне аперацыі назвы мае важнае бюракратычнае значэнне, таму што звычайна цягне за сабой доўгатэрміновае мэтавае фінансаванне і магчымасць узнагароджання вайскоўцаў, якія ўдзельнічаюць у такіх місіях.

WSJ таксама піша, што планы прызначэння генерала паказваюць на пераход да доўгатэрміновых намаганняў у навучанні вайскоўцаў і дапамозе Украіне.