У Вінніцы, Крэменчугу, Умані і Крапіўніцкім раздаліся гукі выбухаў
- 7.08.2022, 21:12
- 9,924
На большасці тэрыторыі Украіны абвешчаная паветраная трывога.
У Вінніцы ў нядзелю ўвечары чуваць гукі выбухаў, таксама падобныя паведамленні паступаюць з іншых рэгіёнаў.
Паводле звестак УП, у Вінніцы былі чуваць тры выбухі – спачатку два, а потым, пасля сігналу паветранай трывогі, яшчэ адзін.
Вінніцкі гарадскі галава Сяргей Маргуноў пацвердзіў, што ў Вінніцкай вобласці «былі чуваць гукі, падобныя на выбухі».
«На тэрыторыі Вінніцкай гарадской тэрытарыяльнай супольнасці надзвычайных сітуацый не зафіксавана», – запэўніў ён, параіўшы чакаць афіцыйнай інфармацыі.
Паводле звестак «Суспільнага», пра гукі выбухаў таксама паведамлялася ў Крапіўніцкім Кіраваградскай вобласці.
Карэспандэнты hromadske паведамляюць пра гукі выбухаў ва Умані Чаркаскай вобласці, якія былі чуваць да абвяшчэння паветранай трывогі.
Акрамя таго, пра гук, падобны на выбух, паведаміў і мэр Крэменчуга Віталь Малецкі.
«Быў чуваць гук, падобны да выбуху. На тэрыторыі Крэменчуга надзвычайныя сітуацыі не зафіксаваныя», – адзначыў ён, параіўшы чакаць афіцыйную ўдакладненую інфармацыю.
На стан 20:08 на большасці тэрыторыі Украіны абвешчаная паветраная трывога.