У сеціве паказалі наступствы абстрэлу Антонаўскага моста ў Херсоне

Па мосце зафіксаваныя чатыры траплянні.

У сеціве апублікавалі відэа з Антонаўскага моста ў Херсоне пасля ўдару Узброеных Сіл Украіны ў ноч на 7 жніўня. Запіс абнародаваў тэлеграм-канал «Телебачення Торонто».

На ім відаць, што мост атрымаў чатыры прабоіны - адну большую і некалькі меншых па памеры.

Таксама пацярпела будаўнічая тэхніка, якая там працавала і спрабавала адрамантаваць мост пасля папярэдніх удараў.