У РФ батальёны на вайну ва Украіну набіраюць ужо з настаўнікаў
27- 8.08.2022, 19:21
- 24,228
Выкладнікам прапануюць кантракт тэрмінам ад паўгода.
Ва Ульянаўскай вобласці РФ добраахвотніцкія батальёны для вайны ва Украіне набіраюць выкладнікаў і настаўнікаў.
Пра гэта паведамляе Telegram-канал Baza.
Так, ваенны камісарыят Ульянаўскай вобласці папрасіў кіраўнікоў сярэдніх навучальных установаў «паспрыяць» у пошуку новых кантрактнікаў.
«Набіраць добраахвотнікаў хочуць непасрэдна з выкладнікаў – імі ж укамплектуюць іменныя батальёны "Свіяга" і "Сімбірск", якія неўзабаве адправяцца ва Украіну», – гаворыцца ў паведамленні.
Усяго абодвум батальёнам патрабуецца 400 байцоў. Настаўнікаў, якія хочуць далучыцца да іх, чакае кантракт на паўгода, а таксама штомесячны заробак памерам 220 тысячаў рублёў і аднаразовая дапамога памерам 100 тысячаў рублёў.
Пры гэтым для звычайных жыхароў Ульянаўскай вобласці ўмовы значна горшыя – у рэгіянальных газетах ім прапануюць паехаць на «спецаперацыю» з аплатай ад 30 тысячаў рублёў на месяц.