У Менску курсант на навучальным аўтамабілі збіў пешахода на пераходзе
7- 8.08.2022, 21:35
- 13,418
![У Менску курсант на навучальным аўтамабілі збіў пешахода на пераходзе](https://i.c97.org/ai/506636/aux-head-1657790844-20220713_uchebny_360.jpg)
Судзіць за ДТЗ будуць інструктара аўташколы.
У суд Менска накіравалі крымінальную справу ў дачыненні да 55-гадовага інструктара аўташколы, які абвінавачваецца ў парушэнні правілаў дарожнага руху, які пацягнуў з неасцярожнасці прычыненне цяжкага цялеснага пашкоджання, паведамляе прэсавая служба Генеральнай пракуратуры.
ДТЗ адбылося 1 сакавіка. Навучальны аўтамабіль з курсантам і майстрам вытворчага навучання ехаў па вуліцы Каліноўскага. Наблізіўшыся да нерэгуляванага скрыжавання, кіроўца выявіў няўважлівасць, абраў хуткасць, якая не забяспечвала яму сталы кантроль за бяспечным рухам, і збіў пешахода.
У выніку ДТЗ пацярпеў 20-гадовы маладзён. Паводле высноў экспертаў, ягоная траўмы належыць да цяжкіх цялесных.
Вінаватым у аварыі прызналі інструктара, які ў момант наезду сядзеў поруч з курсантам, бо, паводле ПДР, асоба, якая навучае кіраванню механічным транспартным сродкам і знаходзіцца ў ім разам з навучэнцам, прыраўноўваецца да кіроўцы.
Крымінальная справа накіраваная ў суд. Санкцыя артыкула прадугледжвае да пяці гадоў абмежавання або пазбаўлення волі.