Жданаў: У Расеі ідзе супрацьстаянне паміж вайскоўцамі ды палітыкамі
4- 14.09.2022, 20:13
- 16,346
Гэтая расколіна з шалёнай хуткасцю павялічваецца.
Харкаўскі контрнаступ распачаў у РФ незваротны працэс расколу ўлады, заявіў у эфіры «Радыё НВ» вайсковы эксперт Алег Жданаў.
Паводле ягоных слоў, гэтая параза паставіла перад расейскімі "элітамі" сакраментальнае пытанне "Хто вінаваты?".
«Ідзе супрацьстаянне паміж вайскоўцамі і палітыкамі. Гэта галоўная расколіна, якая цяпер з шалёнай хуткасцю павялічваецца», - адзначыў эксперт.
Жданаў не выключыў, што наступствамі турбулентнасці могуць стаць змены пры стырне дзяржавы-агрэсара.
«Калі неўзабаве, праз некалькі тыдняў, Пуцін не выкрые нейкі бунт сярод генералаў і не пачне пертурбацыі з начальнікам Генеральнага штаба, то праз такі ж перыяд часу генералы могуць абвінаваціць Пуціна. Яны ўжо пачалі абвінавачваць яго ў паразе ў гэтай вайне. А там яшчэ ідзе хваля дэпутацкага дэмаршу: дэпутаты мясцовых рад пачынаюць гаварыць пра тое, што Пуціну трэба скласці паўнамоцтвы, бо «неяк мы не туды прыйшлі», - сказаў Жданаў.
Замаруджванне гэтага працэсу ў кожным выпадку не на карысць Пуціну, дадаў ён.