Fitch Ratings панізіла рэйтынг беларускіх еўрааблігацый да ўзроўню «дэфолт»
3- 15.09.2022, 12:40
- 3,796
Рэжым прадаўжае плаціць пазыкі беларускімі рублямі.
Агенцтва Fitch Ratings панізіла рэйтынг чатырох выпускаў беларускіх еўрааблігацый да ўзроўню "дэфолт".
Як зазначаецца ў прэс-рэлізе, паніжэнне звязанае з заканчэннем ільготнага 14-дзённага льготнага перыяду ў еўрааблігацыях 2023 і 2030 гадоў (мінуў 12 верасня), а ў еўрааблігацыях 2026 і 2031 гадоў (7 верасня).
Акрамя гэтага, адзначае Fitch Ratings, не выкананыя першапачатковыя ўмовы, паколькі рада міністраў і Нацыянальны банк Беларусі абвясцілі, што плацяжы, якія павінны быць у далярах ЗША ў еўрааблігацыях, будуць пераводзіцца ў беларускія рублі – гэта супярэчыць дакументацыі ў аблігацыях, якая не дапускае разлікаў у альтэрнатыўных валютах.