Міністарка абароны Нямеччыны: Рэзэрвы Расеі могуць быць меншымі, чым меркавалася даўней
4- 16.09.2022, 20:40
- 7,510
Вайскоўцы РФ панеслі значныя страты - як у войсках, так і ў тэхніцы.
Міністарка абароны Нямеччыны Крысціна Ламбрэхт мяркуе, што вайсковыя рэзэрвы Расеі могуць быць менш, чым меркавалася.
У каментары Reuters Ламбрэхт паведаміла, што расейскія вайскоўцы панеслі значныя страты - як у войсках, так і ў тэхніцы.
"Уяўленне аб тым, што расейскія сілы маюць у сваім распараджэнні практычна неабмежаваныя вайсковыя сродкі... не адпавядае рэчаіснасці", - дадала яна.
Ламбрэхт заявіла, што Расеі неабходна адрамантаваць вялікую колькасць тэхнікі, і з цяжкасцю набіраецца дастатковая колькасць новага персаналу.
«Будзе вельмі цікава паглядзець, наколькі вялікія напраўду астатнія рэзэрвы расейскіх узброеных сіл. Я думаю, што яны значна меншыя, чым мы, напэўна, думалі першапачаткова», — сказала Ламбрэхт.
Пры гэтым нямецкая міністарка заклікала не памыляцца, бо Расея далёкая ад паразы і па-ранейшаму мае розныя вайсковыя варыянты. Ламбрэхт дадала, што Бэрлін ахвочы падтрымліваць Кіеў у доўгатэрміновай перспектыве.