Расейскі рэпер Oxxxymiron выдаў антываенны кліп

Рэпер заявіў, што "забіў у сабе імперыю".

У кліпе рэпер выказваецца супраць вайны, пераказвае вітанне СК і пракуратуры РФ і заяўляе, што "забіў у сабе імперыю" - перабіў тату з надпісам Imperium, якая знаходзілася ў яго на пальцах.

Таксама ён згадвае бела-сіне-белы сцяг у радку «На нашым сцягу - белы снег і сіняя рака».

Бела-сіне-белае палотнішча з пачатку расейскага ўварвання стала сымбалем расейскага супраціўлення.

Нагадаем, даўней Oxxxymiron асудзіў уварванне расейскіх войскаў на тэрыторыю Украіны. Ён таксама ладзіў за мяжой канцэрты ў падтрымку ўкраінскіх уцекачоў і збіраў для іх грошы.