ЗША перададуць Украіне дзве сістэмы NASAMS на працягу двух месяцаў
10- 16.09.2022, 21:06
- 12,258
Пра гэта паведамілі ў Пэнтагоне.
Украіна атрымае дзве сістэмы зенітна-ракетных комплексаў NASAMS ад ЗША на працягу двух месяцаў.
Пра гэта паведамляе РБК-Украіна са спасылкай на заяву прэсавага сакратара Пэнтагона брыгаднага генерала Пэта Райдэра на брыфінгу.
"Чакаецца, што два зенітныя ракетныя комплексы NASAMS будуць дастаўленыя ва Украіну прыкладна на працягу двух месяцаў", – сказаў ён.
Са слоў Райдэра, комплексы будуць спрыяць далейшай абароне ўкраінцаў ад варожых паветраных пагроз, у тым ліку авіяцыі, беспілотных лятальных апаратаў і ракет.
Адзначым, што NASAMS – гэта перасоўны зенітна-ракетны комплекс, прызначаны для барацьбы з ракетамі, самалётамі ды іншымі паветранымі цэлямі на малой і сярэдняй вышыні.