Трафейныя танкі, БТр і цэлы «Тыгр»: украінскі вайсковец расказаў пра перамогі на перадавой лініі
1- 17.09.2022, 21:13
- 7,958
Гісторыю ўкраінскага абаронцы з 58-й асобнай мотапяхотнай брыгады імя гетмана Івана Выгоўскага.
На ягоных мінах падарваліся дзясяткі расейцаў. Увабраныя танкі, БТр і нават "Тыгр". Пасля выхаду з атачэння паблізу Канатопа, Аляксандр з мянушкай «Кулібін» разам з пабрацімамі пачалі «кідаць пасткі», у якія трапіў не адзін дзясятак расейскіх акупантаў.
Гісторыю ўкраінскага абаронцы з 58-й асобнай мотапяхотнай брыгады імя гетмана Івана Выгоўскага расказалі на афіцыйнай старонцы Мінабароны Украіны.
Аляксандра ведаюць усе ў ягоным родным 15-м батальёне. Ягонаявынаходлівасць усіх здзівіла, калі ў варунках інтэнсіўных баявых дзеянняў ён сваімі залатымі рукамі змайстраваў для байцоў лазню і майстэрню, завошта і атрымаў такую мянушку.
З пачаткам паўнамаштабных падзей, выстаўляючы супрацьтанкавыя комплексы, група Аляксандра апынулася ў атачэнні паблізу Канатопа, адкуль ён, ужо думаў, што не знойдзе выйсця і тэлефанаваў развітвацца з родзічамі.
- Ахоўніку складскога комплексу, які застаўся там з нашымі вайскоўцамі, знаёмыя праз тэлефон расказалі, што побач вельмі шмат расейцаў, вялікія калоны тэхнікі ўжо абышлі іхнія пазіцыі і працягваюць імклівы рух углыб краіны. Таму ахоўнік дапамог групе нашых вайскоўцаў выйсці з атачэння рознымі сцежкамі - лясамі і палямі, - успамінае вайсковец.
Шлях да "сваіх" быў далёкі для іхняй групы - асцярожна ішлі днямі і начамі. Часам побач праязджалі варожыя калоны. А калі Аляксандр з пабрацімамі нарэшце дапялі да найбліжэйшых пазіцый УС Украіны дзякуючы мясцовым егерам (якія вывезлі іх у сяло на сваіх джыпах) - хлопцы атрымалі заданне заміноўваць імаверныя шляхі руху ворага.
На рахунку невялікай групы, у якую ўваходзіў «Кулібін», дзясяткі адзінак варожай тэхнікі - танкі, БТр і нават Тыгр.
На заданне, атрымаўшы аперацыйную інфармацыю, яны адпраўляліся з егерамі, а далей ішлі пешшу. Хлопцам даводзілася несці досыць цяжкія супрацьтанкавыя міны, акрамя асабовай зброі ды гранатамётаў.
- Міны ўсталёўвалі там, дзе вораг можа аб'ехаць забарыкадаваныя шляхі, палявыя дарогі і цупкія сцежкі паблізу чыгуначных пераездаў, - апавядае «Кулібін».
Пасля падрыву тэхнікі "Кулібін" з калегамі ішлі правяраць вынікі дзейнасць. Больш ацалелую тэхніку яны перадавалі на рамонт і суседнім падраздзяленням, адразу выкарыстоўвалі яе супраць ворага.
- Самым вялікім маім здзіўленнем было ўбачыць узброеных паліцыянтаў у вызваленым ад расейцаў паселішчы. Тыя ж копы, якія адразу ўцяклі - ужо хадзілі па вуліцах і рабілі выгляд, што вызваляюць і зачышчаюць сяло, а мы іх павіншавалі, паведаміўшы, што адсюль вораг быў выбіты намі ўжо некалькі дзён таму, - успамінае Аляксандр, паказваючы на сваім тэлефоне фотаздымкі.
"Хочаш міру - рыхтуйся да вайны" - азначае набітая тату на руцэ Аляксандра.
Акрамя знішчанай, падбітай, кінутай варожай тэхнікі і дзясяткаў скрынь боепрыпасаў - найлепшымі трафеямі "Кулібін" называе цэлы "Тыгр" і расейскі запраўшчык на шасі КамАЗ паблізу паселішча Крупічполя.
- Падчас зачысткі хтосьці стрэліў па запраўшчыку з РПГ, але, на шчасце, ён не выбухнуў, толькі загарэўся. Неўзабаве, калі полымя згасла, мы ўбачылі, што цыстэрна поўная. Вось радасць была! Запраўлялі ўсіх! Саляркі было поўна! - з усмешкай апавядае Аляксандр.
Пасля "Кулібін" адправіўся стрымліваць ворага на Усход, дзе быў удзельнікам лютых баёў пад Папаснай, Клінавым і Бахмутам.
Аляксандр адзначае, што не стаміўся, і далей бароніць Украіну да самай перамогі.