Што за што на менскай Камароўцы ў гэтую суботу-нядзелю
1- 17.09.2022, 21:24
- 4,194
Брусніцы каштуюць ад 7,5 рублёў за кілаграм.
На Камароўцы цяпер багата садавіны і ягад. Беларускія яблыкі каштуюць у сярэднім 2-2,5 рубля за кілаграм. Ігрушы - блізу 3 рублі. Персікі прадаюць ад 4,5 рубля за кілаграм, нектарыны - ад 3,5 рублёў за кіло. Абрыкосы можна знайсці і за 2 рублі, пішуць "Мінск-Новості".
Бульбу на галоўным сталічным базары цяпер прадаюць ад 1 рубля за кілаграм, памідоры - у сярэднім за тры рублі, моркву і цыбулю - за два рублі. Агуркі можна знайсці за 5 рублёў за кіло. Перцы за два рублі.
Нягледзячы на восеньскае надвор'е, Камароўка ўсё яшчэ радуе зелянінай. Набыць яе можна ад 1 рубля за 100 грамаў.
Брусніцы на прылаўках ад 7,5 рубля за кг. Журавіны прадаюць даражэй - ад 8-9 рублёў. Трускалкі ад 10 рублёў за кілаграм.
Цана вінаграду пачынаецца ад 2,5 рубля. Значна даражэй каштуюць маліны і ажыны - ад 10 рублёў. Ёсць і абляпіха — шклянка каштуе пяць рублёў.