У Добрушскім раёне ў лесе згубілася сямейная пара з 5-гадовым дзіцем
9- 20.09.2022, 21:08
- 6,432
На пошукі накіравалі больш за 20 чалавек і 9 адзінак тэхнікі.
У Добрушскім ратавальнікі і леснікі шукалі сямейную пару, якая пайшла ў лес з 5-гадовым дзіцем і заблукала, піша «Добрушскі край».
19 верасня пад тры гадзіны дня ў службу МНС Гомельскага раёна паведамілі аб людзях, якія згубіліся ў лесе паблізу вёскі Васілеўкі Добрушскага раёна.
Згубленыя - 25-гадовая жанчына, 28-гадовы мужчына і пяцігадовае дзіця. На пошукі накіравалі больш за 20 чалавек і 9 адзінак тэхнікі.
Сям'я зайшла на тэрыторыю Раманавіцкай лясной гаспадаркі, дзе іх сустрэлі работнікі лясгаса. Стан згубленых сярэдні, у медыцынскай дапамозе не мелі патрэбы.