Чэхія не будзе выдаваць візы расейцам, якія жадаюць пазбегнуць мабілізацыі

Пра гэта заявіў міністр замежных спраў Чэхіі.

Расейцы, якія бягуць з краіны ў спробах пазбегнуць мабілізацыі, не трапляюць пад умовы выдавання гуманітарнай візы ў Чэхіі.

Пра гэта заявіў міністр замежных спраў Чэхіі Ян Ліпаўскі, яго цытуе CTK.

«Я разумею, што расейцы бягуць ад таго, да чаго прывялі больш адчайныя рашэнні [прэзідэнта РФ Уладзіміра] Пуціна. Але тыя, хто бягуць з краіны, таму што не хочуць выконваць абавязанні, накладзеныя ўласнай дзяржавай, не адпавядаюць умовам для выдачы гуманітарнай візы», - заявіў ён.