У Алчэўску HIMARS ліквідавалі «міністэрства дзяржбяспекі ЛНР»
1- 24.09.2022, 9:10
- 21,866
![У Алчэўску HIMARS ліквідавалі «міністэрства дзяржбяспекі ЛНР»](https://i.c97.org/ai/506941/aux-head-1657962110-20220716_diadia_himars_360.jpg)
Украінскія вайскоўцы правялі «ювелірную працу».
У горадзе Алчэўск Луганскай вобласці, акупаваным з 2014 года, прагрымеў выбух. У выніку дакладнага ўдару было «дэмілітарызаванае» памяшканне так званага «міністэрства дзяржаўнай бяспекі» («МДБ») «ЛНР».
Пра гэта ў сваім Telegram-канале паведаміў украінскі журналіст Андрэй Цапліенка. Кадры наступстваў удару таксама апублікавалі ў Telegram-канале «donetchanyn».
Да 2014 года ў гэтым будынку працавала мясцовае падраздзяленне СБУ. «Відаць, СБушнікам давядзецца яго адбудоўваць пасля вызвалення горада», - напісаў Цапліенка.
![](https://i.c97.org/ai/517035/aux-1663999477-1.jpg)
Інфармацыю аб знішчэнні «МДБ» акупантаў пацвердзіў і журналіст Дзяніс Казанскі. Паводле інфармацыі мясцовых СМІ, магутны выбух адбыўся ў пятніцу а 17.45. Сведкі сцвярджаюць аб прылёце 6 ракет HIMARS.
На кадрах бачна, што памяшканне моцна пацярпела ў выніку прылёту.
«Ювелірная праца - там вакол жылыя дамы, якія засталіся цэлымі (ну хіба што вокны вылецелі, але гэта не лічыцца). Цывільнае насельніцтва таксама не пацярпела», - адзначылі мясцовыя СМІ.