28 лютага 2024, Серада, 17:57
Падтрымайце
сайт
Сім сім,
Хартыя 97!
Рубрыкі

Палітычная зняволеная Таццяна Ласіца выйшла на волю

1
Палітычная зняволеная Таццяна Ласіца выйшла на волю
ТАЦЦЯНА ЛАСІЦА

Праваабаронца была асуджаная разам з Леанідам Судаленкам.

Палітычная зняволеная праваабаронца Таццяна Ласіца выйшла на волю.

Як паведамляе «Гомельская вясна», Таццяну Ласіцу выпусцілі з жаночай калоніі.

У лістападзе 2021 года ёй прысудзілі 2 гады і 6 месяцаў калоніі. З улікам таго, што дзень у СІЗА залічваецца за паўтара, яна выйшла са зняволення прыкладна на чатыры месяцы раней за свой тэрмін. 21 верасня лукашэнкаўцы аналагічна, мінімальна датэрмінова, вызвалілі журналіста-палітвязня Алега Груздзіловіча.

Праваабаронца з праваабарончага цэнтру «Вясна» была затрыманая 21 студзеня 2021 года. Яе абвінавацілі паводле крымінальнай справы паводле ч. 1 і ч. 2 арт. 342 КК (арганізацыя або актыўны ўдзел у групавых дзеяннях, якія груба парушаюць грамадскі парадак).

Ласіцу, як і яе калегу Леаніда Судаленку, абвінавацілі ў фінансавай дапамозе людзям, якія пацярпелі ад палітычных рэпрэсій. Абодва вытрымалі зняволенне і не зламаліся.

3 лістапада 2021 года суддзя Салаўскі прысудзіў Таццяну Ласіцу да двух з паловай гадоў пазбаўлення волі ў калоніі агульнага рэжыму.

Напісаць каментар 1

Таксама сачыце за акаўнтамі Charter97.org у сацыяльных сетках