Што пачым на менскай Камароўцы ў гэтыя выходныя
1- 24.09.2022, 15:38
- 3,432
![Што пачым на менскай Камароўцы ў гэтыя выходныя](https://i.c97.org/ai/517110/aux-head-1664023015-20220924_rynok_360.jpg)
Усё яшчэ можна набыць трускаўку.
Якая сезонная гародніна і садавіна карыстаецца папулярнасцю на Камароўскім рынку ў менчукоў у апошнія выхадныя верасня, высветлілі «Менск-Навіны».
Усё яшчэ можна сустрэць радыску - прадаўцы аддаюць яе ад 3,5 рубля за кіло. Бульба на рынку каштуе ад 60 капеек за кг. Агуркі можна знайсці па 2 рублі за кг, а цэннік на памідоры стартуе ад 2,5. Кукуруза ў сярэднім абыдзецца пакупнікам у 2 рублі за кіло, аднак у некаторых прадаўцоў катахі можна знайсці танней. За салодкі перац давядзецца аддаць ад 3,5 да 5 рублёў за кг.
![](https://i.c97.org/ai/517110/aux-1664023020-1.jpg)
Восеньскія яблыкі каштуюць ад 1,5 да 5 рублёў за кіло, грушы ў сярэднім па 4. Цэннік на хурму і нектарын стартуе ад 5 рублёў за кілаграм. Багатыя на вітамін С апельсіны можна купіць за 2,5 рубля, а не менш карысныя грэйпфруты — за 3,8. Шырока прадстаўлены на рынку і ўсімі любімыя дыні. За салодкую садавіну прадаўцы просяць 1,6 за кіло, кавун абыдзецца яшчэ танней - за 1 рубель. Аматараў экзотыкі парадуе інжыр. За адну штуку давядзецца аддаць 4,5 рубля.
![](https://i.c97.org/ai/517110/aux-1664023021-2.jpg)
Усё яшчэ можна набыць трускаўку. Аднак цэннік не такі прыемны, як улетку. За імпартную ягаду просяць 15 рублёў за кіло. Апошнія брусніцы прадаюць ад 5,50 за кіло, журавіны - за 9 рублёў. Буякі сустракаюцца ад 13 рублёў за кіло. Аматарам маліны давядзецца аддаць 10 рублёў за кошык аб'ёмам 500 мл. А за багатую вітамінамі абляпіху - 15.
Пераходзім да шэрагаў з беларускай зелянінай. Абыдзецца яна ў сярэднім у 2 рублі за 100 г. Зялёная цыбуля, кроп і пятрушка каштуюць крыху танней - 1,2 за 100 г, кінза, рукала і шпінат - 1,9. А вось базілік і мята даражэйшыя — 2,5 рубля.
![](https://i.c97.org/ai/517110/aux-1664023021-3.jpg)
![](https://i.c97.org/ai/517110/aux-1664023021-4.jpg)