28 лютага 2024, Серада, 19:26
Падтрымайце
сайт
Сім сім,
Хартыя 97!
Рубрыкі

Каля Гомеля лятае самалёт-лабараторыя з радыёэлектронным абсталяваннем.

5
Каля Гомеля лятае самалёт-лабараторыя з радыёэлектронным абсталяваннем.

Такія самалёты выкарыстоўваюцца для лётных праверак аэрапортаў.

Сэрвіс фіксацыі авіяпалётаў flightradar24 сёння зафіксаваў вылет з гомельскага аэрапорта невялікага двухматорнага самалёта. У небе самалёт пачаў рабіць падлёты да гомельскага аэрапорта. «Флагшток» разабраўся, што гэта за самалёт і што ён робіць у небе над Гомелем.

Гэта лёгкі двухматорны самалёт-лабараторыя Diamond DA-42 Twin Star (EX-11002) кыргызстанскай авіякампаніі «SKY KG Airlines». Самалёт выкарыстоўваецца для правядзення лётных праверак аэрапортаў. У 2020 годзе, напрыклад, самалёт выконваў лётную праверку наземных сродкаў радыётэхнічнага забеспячэння палётаў і святлосігнальнага абсталявання ў львоўскім аэрапорце імя Данііла Галіцкага.

У Беларусі гэты самалёт некалькі разоў фіксаваўся сервісам flightradar24 — з сярэдзіны верасня над аэрадромамі Віцебска і Магілёва.

Чаму спатрэбілася праводзіць праверку гомельскага аэрапорта, які праз расейска-ўкраінскую вайну фактычна не выкарыстоўваецца для цывільнай авіяцыі, невядома.

Напісаць каментар 5

Таксама сачыце за акаўнтамі Charter97.org у сацыяльных сетках