У расейскай вёсцы каля Кемерава мабілізавалі ўсіх мужчын

Паведамляецца, што ў суседніх вёсках такая ж сітуацыя.

У вёсцы Цюменева (Кемераўская вобласць РФ) была мабілізаваная ўся мужчынская частка насельніцтва. Пра гэта novayagazeta.eu паведаміла крыніца.

Паводле ягоных слоў, усяго ў вёсцы Цюменева былі мабілізаваны 59 мужчын.

- Сёння хадзілі па дварах і раздавалі позвы. У панядзелак трэба прыбыць у ваенкамат, - распавёў суразмоўца выдання.

Пры гэтым ён дадаў, што ў суседніх вёсках назіраецца такая сітуацыя.