Што зменіцца ў Беларусі з 1 кастрычніка

Некаторыя з іх паўплываюць на таўшчыню нашых партманэтаў.

З кастрычніка ў Беларусі прадоўжаць дзеянне норм бязмытных лімітаў на ўвоз тавараў з-за мяжы праз наземныя межы. З наступнага месяца банкі знізяць адсоткавыя стаўкі за некаторыя крэдыты. Да канца кастрычніка даведаемся, ці перагледзяць чыноўнікі мінімальныя працоўныя і сацыяльныя пенсіі з 1 лістапада. Сайт zerkalo склаў падборку кастрычніцкіх змен, якія могуць паўплываць на таўшчыню нашых партманэтаў.

Банкі знізяць адсоткавыя стаўкі за крэдыты

У кастрычніку банкі знізяць адсоткавыя стаўкі за некаторыя крэдыты для фізічных асоб і юрыдычных асоб. Гэта звязана з пастановай Нацбанка перагледзець разліковыя велічыні стандартнай рызыкі. РВСР - гэта адсоткавая граніца за банкаўскія крэдытах.

Нацбанк знізіў разліковыя адзінкі стандартнай рызыкі для фізічных асоб на кастрычнік да 22,01% (цяпер - 23,33%), а для юрыдычных асоб - да 20,21% (цяпер - 20,80%). Гэтых паказчыкаў павінны прытрымлівацца банкі, калі выстаўляюць адсоткавыя стаўкі за крэдыты, іх нельга перавышаць.

Да РВСР прывязаны адсоткавыя стаўкі за некаторыя крэдыты на нерухомасць і аўтамабілі на агульных умовах. Пры росце гэтага паказчыка банкі павінны змяніць адсоткавыя стаўкі за такія крэдыты у бок павелічэння.

Запусцяць пенсійныя змены

З 1 кастрычніка ў Беларусі стартуе чарговыя пенсійныя змяненні, яны тычацца дадатковай назапашвальнай пенсеі. Работнікі змогуць пры жаданні рабіць адлічэнні са сваіх заробкаў на другую пенсію, а наймальнік будзе абавязаны "дадаць". Гэтая схема павінна працаваць, як плануецца, праз страхавую кампанію "Стравіта". Так званая рэформа маае некалькі важных нюансаў. Напрыклад, тыя, хто вырашыць адмовіцца ад такой страхоўкі, вярнуць свае грошы змогуць толькі пасля выхаду на пенсію. Нагадаем, у Мінпрацы раней скептычна выказваліся аб рэформе назапашвальнай пенсійнай сістэмы.

Пакінуць ранейшыя ліміты на ўвоз тавараў з-за мяжы

З кастрычніка ў Беларусі прадоўжаць дзеянне норм бязмытных лімітаў на ўвоз тавараў з-за мяжы праз наземныя межы. Для тых, хто падарожнічае наземным транспартам, яны па-ранейшаму будуць на ўзроўні 1 000 еўра і 31 кілаграма. Гэтыя нормы будуць дзейнічаць да 1 красавіка 2023 года. Такую пастанову прынялі на ўзроўні ЕАЭС.

Паспець пацвердзіць занятасць, каб не патрапіць у базу дармаедаў

Каб не трапіць у базу ўтрыманцаў, да 21 кастрычніка трэба паспець падаць у спецыяльную камісію дакументы, якія пацвярджаюць занятасць.

Нагадаем, спісы незанятых у эканоміцы абнаўляюць раз на квартал. Дакументы, якія пацвярджаюць працу або навучанне ў ЕАЭС, трэба падаць у дармаедскую камісію да 21 кастрычніка, 21 студзеня, 21 красавіка і 21 ліпеня адпаведна.

Даведаемся, ці падвысяць пенсіі і дапамогі

З 1 лістапада ўлады павінны перагледзець суму пражытачнага мінімуму. Да яго прывязаны сумы мінімальных працоўных і сацыяльных пенсій, а таксама некаторыя дапамогі, якія выдаюцца пры нараджэнні дзяцей. Калі бюджэт пражытачнага мінімуму падвысяць, то вырастуць, адпаведна, таксама гэтыя пенсіі і дапамогі.

Бліжэй да канца кастрычніка чыноўнікі павінны агучыць, ці зменяцца з лістапада гэтыя выплаты. Напрыклад, сацыяльная пенсія з прычыны ўзросту зараз складае 164,25 рубла, а мінімальная пенсія з прычыны ўзросту (без уліку даплаты на 20% ад сярэдняга заробку) — 82,13 рубля.

Апошні месяц зніжкі на паездкі ў электрычках для пенсіянераў

Кастрычнік - апошні месяц для паездак пенсіянераў з 50-адсоткавай зніжкай у цягніках рэгіянальных ліній эканом-класа. Ільгота будзе дзейнічаць да канца наступнага месяца. Яе ўводзілі з 1 траўня - на час сезонных сельскагаспадарчых работ.

"Белтэлекам" адмаўляецца ад адной з паслуг

З 1 кастрычніка "Белтэлекам" спыніць выкананне паслуг у міжгародніх і міжнародных тэлефонных званках абанентам сеткі стацыянарнай электрасувязі з дапамогай тэлефаніста. Прычына - адсутнасць попыту.