УСУ нанеслі магутныя ўдары па пунктах кіравання расейскіх войскаў ва Украіне

Ранішняя справаздача ўкраінскага Генштаба.

Вайсковыя Узброеныя сілы Украіны адбілі атакі расейскіх захопнікаў у раёне 13 населеных пунктаў.

Пра гэта гаворыцца ў Аператыўнай інфармацыі Генеральнага штаба УСУ ў сацыяльнай сетцы «Фэйсбук».

«Учора падраздзяленні Сіл абароны адбілі атакі супраціўніка ў раёнах населеных пунктаў Спорны, Салядар, Маёрск, Бахмут, Падгароднае, Выемка, Курдзюмоўка, Зайцавае, Новаміхайлаўка, Першамайскае, Каменка, Перамога і Паўлаўка», - гаворыцца ў справаздачы.

Таксама авіяцыя Сіл абароны Украіны нанесла 33 удары. Пацверджанае знішчэнне 25 раёнаў засяроджвання жывой сілы і вайсковай тэхнікі супраціўніка і 8 пазіцый зенітных ракетных комплексаў. Акрамя таго, падраздзяленні супрацьпаветранай абароны знішчылі адзін самалёт Су-25, гелікаптэр Мі-8 і 2 БПЛА супраціўніка.

Разам з тым, ракетныя войскі і артылерыя ўчора знішчыла 6 пунктаў кіравання, 12 раёнаў засяроджвання жывой сілы і тэхнікі супраціўніка, 2 пазіцыі зенітных ракетных комплексаў, 3 падраздзяленні ракетных войскаў і артылерыі, 6 складоў з боепрыпасамі, а таксама 9 асобных важных цэляў.

Як заяўляюць у Генштабе, расейскія акупанты працягваюць несці страты.

«Пацверджанае яшчэ адно дакладнае патраплянне 24 верасня гэтага года па раёне засяроджвання варожай тэхнікі на тэрыторыі прамысловай зоны ў межах горада Херсон. Папярэдне, супраціўнік страціў да 10 адзінак вайсковай тэхнікі, страты ў асабовым складзе ўдакладняюцца», - гаворыцца ў справаздачы.

Сітуацыя на поўдні Украіны

Сёння, 25 верасня, Адэса была атакаваная дронамі-камікадзэ, вораг тройчы трапіў у адмінбудынак у цэнтры горада. Працягваецца выратавальная аперацыя і тушэнне пажару. Яшчэ адзін робат збілі сілы супрацьпаветранай абароны. У Адэсе з-за наступстваў атакі дронамі-камікадзэ прыпынены рух некалькіх тралейбусных маршрутаў. Таксама пашкоджаны жылыя дамы.

25 верасня а 15.00 украінская супрацьпаветраная абарона збіла дрон-камікадзэ, якім вораг спрабаваў атакаваць Мікалаеў.

Таксама ўчора на поўдні папярэджаны праход расейскай дыверсійна-выведвальнай групы ў тыл Узброеных сіл Украіны. Падраздзяленні акупацыйных войскаў засяроджваюць асноўныя намаганні на ўтрыманні захопленых тэрыторый і стрыманне наступальных дзеянняў УСУ.