2 снежня 2022, Пятніца, 13:30
Сім сім, Хартыя 97!
Рубрыкі

Названыя прадукты, якія дадаюць дзесяць гадоў жыцця

5
Названыя прадукты, якія дадаюць дзесяць гадоў жыцця

Навукоўцы аб'ядналі іх у тры групы.

На жаль, не існуе ні сакрэтнага рэцэпту, ні чарадзейнай таблеткі, якая падаўжала б чалавеку жыццё. Час шукаць «маладзільныя яблычкі» – бо казка хлусня, ды ў ёй намёк. І такія прадукты сапраўды існуюць, гавораць навукоўцы.

Тэорыю пра ўплыў прадуктаў на даўжыню жыцця праверылі ў Нарвегіі. У рамках даследавання, апублікаванага ў часопісе PLOS, навукоўцы высветлілі: ёсць тры групы раслінных прадуктаў, якія станоўча ўплываюць на даўжыню жыцця.

«У аптымальнай дыеце павінна быць больш цэльназерневых прадуктаў, бабовых, а таксама арэхаў. Пры гэтым трэба звесці да мінімуму чырвонае і апрацаванае мяса, падсалоджаныя напоі і вычышчанае збожжа (з яго робяць белую муку)», – заявіў Ларс Фаднес, суаўтар даследавання, прафесар, супрацоўнік дэпартамента глабальнай грамадскай аховы здароўя і першаснай медыка-санітарнай дапамогі Бергенскага ўніверсітэта (Нарвегія)

Паводле звестак навукоўцаў, якія прыдумалі калькулятар харчавання і змадэлявалі ідэальную дыету, такі лад жыцця можа значна павялічыць яго даўжыню. Пры гэтым шмат залежыць ад узросту, калі вы пачалі яе прытрымлівацца.

Напрыклад, чалавек, які правільна сілкуецца з 20 гадоў, пражыве ў сярэднім на 10 гадоў даўжэй, чым чалавек, які не змяніў свае харчовыя звычкі. А 60-гадоваму такая дыета дасць «дадатак» у выглядзе васьмі гадоў жыцця, а 80-гадоваму – тры-чатыры гады.

Цікава, што паасобку гэтыя групы прадуктаў таксама працуюць. І калі няма магчымасці ўключыць у рацыён усе карысныя прадукты, даследнікі рэкамендуюць спыніцца на бабовых. Яны паказалі найлепшыя вынікі.

«Такія прадукты, як фасоля, гарох і сачавіца, маюць шэраг пераваг, – пішуць даследнікі. – Сярод іншага яны ўтрымліваюць растваральную абалоніну, якасны бялок, цынк, кальцый, жалеза. Пры гэтым яны з'яўляюцца ўстойлівымі крухмаламі, якія дапамагаюць рэгуляваць узровень цукру ў крыві».

Навукоўцы выказалі здагадку, што іх «дыета даўгалецця» палепшыць стан здароўя і павялічыць даўжыню жыцця за кошт зніжэння актыўнасці, якая правакуе старэнне гармонаў росту, інсуліну і бялку ІФР.

Дыетолагі-практыкі згодныя з высновамі даследнікаў, але з адной агаворкай: без фізічных нагрузак нічога не атрымаецца. І раяць, апроч новай дыеты, дадаць у свой рэжым дня хоць бы 10-хвілінную трэніроўку.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».