10 снежня 2022, Субота, 9:47
Сім сім, Хартыя 97!
Рубрыкі

У Беларусі знайшлі «крайняга» за мост, які ўпаў на Нямізе

8
У Беларусі знайшлі «крайняга» за мост, які ўпаў на Нямізе
АРХІЎНАЕ ФОТА

Пешаходная частка пуцеправода абрынулася 8 студзеня 2022 года.

У суд накіравалі крымінальную справу паводле абвінавачання намесніка дырэктара дзяржпрадпрыемства «Гараўтамост» у службовай халатнасці, паведамляе прэс-служба Генпракуратуры.

Паводле версіі следства, абвінавачаны ведаў пра сталае павелічэнне дэфекту рыгеля прамежкавай апоры пуцеправода праз вуліцу Нямігу ў сталіцы. Аднак не арганізаваў рамонт падпарадкаванымі наяўных дэфектаў на стадыі, калі яны з'яўляліся не небяспечнымі для збудавання і для ўхілення якіх патрабаваліся мінімальныя выдаткі.

Як вынік - 8 студзеня 2022 года пешаходная частка пуцеправода абрынулася.

«Генеральная пракуратура выставіла да абвінавачанага пазоў аб кампенсацыі прычыненай шкоды. Падстаў для змены раней абранай меры стрымання ў выглядзе падпіскі аб нявыездзе і належных паводзінах няма», - паведамілі ў прэс-службе.

Сума шкоды не называецца. Санкцыя артыкула, які ставіцца ў віну намесніку дырэктара «Гараўтамост» прадугледжвае абмежаванне волі да шасці гадоў калоніі.

Нагадаем, уначы 8 студзеня паступіла паведамленне аб падзенні часткі пуцеправода на праспекце Пераможцаў над вуліцай Няміга ў Менску.

10 студзеня Следчы камітэт распачаў крымінальныя справы паводле ч.1 арт. 305 КК (Парушэнне праектаў, абавязковых для захавання патрабаванняў тэхнічных нарматыўных прававых актаў пры вытворчасці будаўніча-мантажных работ) і ч.2 арт.428 КК (Службовая халатнасць).

Мост за месяц адрамантавалі. Рух па пуцеправодзе адкрылі ўначы 11 лютага.

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Хартыя-97».