Экс-дырэктар ХК «Лакаматыў»: Лукашэнка не разумее, што кажа

Мабілізацыя можа накрыць і Беларусь.

Былы дырэктар ХК «Лакаматыў» з Воршы Яўген Мазура ў інтэрв'ю тэлеграм-каналу «О, спорт! Ты - свет! » падзяліўся меркаваннем аб выказваннях Аляксандра Лукашэнкі.

- Як ты ставішся да слоў Лукашэнкі аб тым, што шмат хто за мяжой зразумеў, што на чужыне дрэнна, хочуць вярнуцца, але баяцца панесці пакаранне?

- Давай адразу вызначымся: тут гаворка ідзе не пра палітыку, а пра чалавека, які пакутуе на слоўны панос, не разумее, што кажа. Ён любіць паўтараць, што не будзе таго і гэтага - інфляцыі, мабілізацыі - але ўсё ў выніку адбываецца. І вельмі падобна, што мабілізацыя таксама накрые Беларусь, улічваючы апошнія падзеі ў Расеі.

Вяртаючыся да твайго пытання, трэба адзначыць, што сапраўды не ўсім лёгка жыць за мяжой некаторыя не могуць прыжыцца. Беларусы проста прывыклі, што на Радзіме за іх шмат што вызначаецца, усё падпарадкаванае дзяржаве. А ты тупа ходзіш на працу і атрымліваеш за гэта заробак. Людзі робяць гэта гадамі, ім усё жыццё прывівалася, што перамены - няхай гэта будзе ў працы ці месцы жыхарства - гэта дрэнна. Паверце, нічога дрэннага ў гэтым няма. Ты папрацаваў месяц-два ў адным месцы, атрымаў больш выгадную прапанову - пераходзь. Бо гэта нармальна, так працуе эканоміка. Тады працадаўца будзе зацікаўлены, каб ты застаўся. Так будзе развівацца канкурэнцыя. Але нямногія беларусы гэта разумеюць – проста прывыклі жыць па накатанай, як іх прызвычаілі.

Вядома, трэба разумець, што ўсе перамены - гэта пэўная рызыка. Але такім чынам набываецца досвед. Калі цябе кінулі, груба кажучы, ты станеш разумнейшым і ў наступны раз не патрапіш на тую ж вуду, - сказаў ён.