У нядзелю будзе да +22°С
- 3.09.2022, 20:13
- 1,872
Ападкаў не чакаецца.
4-5 верасня надвор'е на большай частцы Беларусі будзе вызначаць у асноўным вобласць падвышанага атмасфернага ціску, сфармаваная ў халоднай паветранай масе паўночных шырот. Пераменная воблачнасць, піша pogoda.by.
4 верасня пераважна без ападкаў. Уначы і раніцай у асобных раёнах краіны чакаецца слабы туман. Вецер няўстойлівы слабы да сярэдняга. Тэмпература паветра ўночы +1..+8°С, месцамі ў краіне замаразкі 0..-3°С; тэмпература ўдзень ад +14°С па поўначы да +22°С па поўдні краіны.
5 верасня пераважна без ападкаў, толькі ўдзень у асобных раёнах па паўночным усходзе краіны пройдуць невялікія кароткачасовыя дажджы. Уночы і раніцай слабы туман. Вецер няўстойлівы слабы да сярэдняга. Тэмпература паветра ўночы +1..+8°С, удзень ад +13°С па паўночным усходзе да +22°С па паўднёвым захадзе краіны.