УСУ зноў ударылі па Антонаўскім чыгуначным мосце

Каля моста бачная задымленасць.

Па Антонаўскім чыгуначным мосце на Херсоншчыне зноў нанеслі ўдар. Пра гэта паведамляе unian.net са спасылкай на Стратэгічнае камандаванне Узброеных сіл Украіны.

- Антонаўскі чыгуначны мост. Хтосьці паліць цыгары, - гаворыцца ў паведамленні.

У Страткаме апублікавалі відэа, на якім бачная задымленасць, якая, напэўна, узнікла ў выніку ўдару.

Раней у сеціве з'явілася інфармацыя пра чарговыя выбухі ў акупаваным Херсоне. Было сама меней 8 выбухаў. Паводле відавочцаў, знішчаны гатэль-саўна "Закінуты свет". Тамака базаваліся расейцы.

Акупанты маўчаць аб знішчэнні сваёй базы. Пацвярджэнне Украіны з'явілася першым.