Якое надвор'е прыйдзе ў Беларусь на наступным тыдні

Сіноптыкі падзяліліся прагнозам на пачатак восені.

Восень прыйшла дакладна па раскладзе, не толькі каляндарная, але і метэаралагічная. Паніжаны тэмпературны рэжым захаваецца, у сярэдзіне тыдня чакаюцца дажджы. Пра гэта на АНТ расказаў Дзмітры Рабаў.

У пачатку тыдня - невялікая воблачнасць, без істотных ападкаў. Вецер паўночны, умераны. Вільготнасць да 50%. Раніцай слабыя туманы, бачнасць да кіламетра. Тэмпература ўначы - +2ºС … +9ºС, на глебе магчымыя замаразкі да -3ºС. Удзень у панядзелак ад +13ºС на паўночным усходзе да +21ºС на паўднёвым захадзе, у аўторак - +14ºС… +21ºС.

У сярэдзіне тыдня за надвор'е працягне адказваць прахалодны антыцыклон. Чакаецца пераменная воблачнасць. Без істотных ападкаў, у паўднёвай палове невялікія дажджы. Вецер паўночна-заходні, слабы. Вільготнасць да 40 працэнтаў. Тэмпература ў сераду ўначы - +4ºС ... +9ºС, удзень - +18 ºС... +24ºС.

У пачатку другой паловы тыдня ўмовы надвор'я пачне вызначаць паўднёвы цыклон. Ён прынясе павелічэнне воблачнасці, у чацвер удзень па паўднёвым захадзе, у пятніцу паўсюдна пройдуць дажджы рознай інтэнсіўнасці. Уначы і раніцай слабы туман, бачнасць да кіламетра. Вільготнасць да 90 працэнтаў. Вецер паўночнай чвэрці, уначы слабы, удзень умераны. Тэмпература ўначы - +2ºС... +8ºС. У дзень у чацвер ад +16ºС па Берасцейскай вобласці да +24ºС па Гомельскай, у пятніцу - +12ºС… +18ºС.

І, папярэдне, - у выходныя дні чарговы антыцыклон прынясе пераменную воблачнасць. Без істотных ападкаў. Вільготнасць да 40 працэнтаў. Пад раніцу слабыя туманы, бачнасць да кіламетра. Вецер паўночна-ўсходні, умераны. Тэмпература паветра ўначы - +3ºС ... +9ºС. Удзень у суботу - +10ºС... +17ºС, у нядзелю - +15ºС... +18ºС.

Нагадаем, на найбліжэйшыя тры дні Белгідрамет абвясціў вышэйшы чырвоны ўзровень пажаранебяспекі: 4 верасня — у Гомельскай вобласці, а 5 і 6 верасня — яшчэ і ў Менскай вобласці і ў самім Менску. Для наведвання закрыты практычна ўсе лясы ў Беларусі.