Ізраіль забароніць палёты Boeing 747 праз шум і экалогію
1- 4.09.2022, 19:51
- 4,714
Забарона набудзе моц 31 сакавіка 2023 года.
Улады Ізраіля забароняць палёты Boeing 747 і чатырохматорных самалётаў, каб знізіць узровень шуму і палепшыць сітуацыю з экалогіяй.
Пра гэта паведамляе Reuters.
Паведамляецца, што забарона набудзе моц 31 сакавіка 2023 года. Між іншым, такія самалёты не будзе абслугоўваць аэрапорт Бэн-Гурыён - галоўны ў краіне.
Дырэктыва тычыцца ў асноўным грузавых самалётаў, большасць перавозчыкаў ужо спынілі выкарыстанне Boeing 747 і іншых чатырохматорных самалётаў на маршрутах у Ізраіль.
Эксплуатацыя такіх самалётаў будзе дазволена ў выключных выпадках і толькі пры наяўнасці спецыяльнага дазволу.