FT: Украінскія хакеры незвычайным спосабам выманілі ў акупантаў звесткі аб пазіцыях
3- 4.09.2022, 21:33
- 13,790
Дзякуючы звесткам УСУ змаглі атакаваць базу расейцаў пад Мелітопалем.
Украінскія хакеры з групы Hackyourmom выманілі інфармацыю аб пазіцыях расейскіх акупантаў з дапамогай фота прывабных дзяўчат.
Пра гэта піша Financial Times.
Праграмісты стварылі ў сацыяльных сетках фэйкавыя старонкі дзяўчат, з якіх знаёміліся з захопнікамі.
Жыхар Харкава Мікіта Кныш яшчэ ў пачатку вайны заснаваў новую хакерскую структуру з 30 чалавек для барацьбы з расейскімі акупантамі.
Са слоў хакера, яны змаглі ўсталяваць размяшчэнне базы расейскіх акупантаў пад Мелітопалем. Пад выглядам дзяўчат праграмістам удалося выбавіць у расейцаў фатаграфіі з базы. Гэта дапамагло ўстанавіць яе месцазнаходжанне.
Атрыманую інфармацыю яны перадалі УСУ. Пасля гэтага на базе акупантаў адбыўся «выбух».