Расеец спрабаваў вывезці з Беларусі 30 бычкоў

Кошт бычкоў ацэньваецца ў 65 тысяч рублёў.

Міліцыя спыніла ўвоз буйной рагатай жывёлы ў Расею.

У Кіраўскім раёне праваахоўнікі спынілі для праверкі грузавы аўтамабіль з 50-гадовым расейцам за стырном. Кіроўца перавозіў у прычэпе 30 бычкоў без дакументаў. Жывёлы былі закуплены ў Капыльскім раёне і прызначаліся для перапродажу. Кошт бычкоў ацэньваецца прыкладна ў 65 тысяч рублёў.

Аўтамабіль і груз затрыманы. Дзеянням кіроўцы будзе дадзеная прававая ацэнка, паведамляе прэс-служба МУС.