Boeing адмовіўся ад расейскага алюмінію

Расейскія вытворцы металаў працягваюць страчваць буйных заходніх кліентаў.

Амерыканская карпарацыя Boeing, якая выпускае авіяцыйную і касмічную тэхніку неўзабаве пасля пачатку вайны перастала купляць расейскі алюміній. Прадстаўнік кампаніі паведаміў гэтую інфармацыю Reuters.

Кампанія імгненна адрэагавала на ўзброенае ўварванне ва Украіну - закрыла офісы ў Расеі, перастала купляць у яе тытан, а таксама пастаўляць дэталі і забяспечваць рамонт самалётаў (апошняе было імгненна забаронена заходнімі санкцыямі).

Ад пераарыентацыі на іншых пастаўшчыкоў здабылі ЗША. "Мы закупляем алюміній у розных краінах свету, уключаючы ЗША", – паведаміў прадстаўнік Boeing, не канкрэтызуючы.

Алюміній - другі метал, які Boeing перастаў набываць у Расеі. Аб адмове працаваць з пастаўшчыком тытана "ВСМПО-Авісма", які забяспечваў блізу траціны патрэбы Boeing у гэтым метале, амерыканская кампанія паведаміла неўзабаве пасля пачатку вайны.

Да вайны Расея была найбуйнейшым вытворцам алюмінію ў свеце за межамі Кітая. На "Русал" прыпадала блізу 6% сусветнага выпуску гэтага металу.

Хоць алюміній не падпаў пад санкцыі, "Русал" пачынае страчваць кліентаў. Нядаўна Novelis, еўрапейскае падраздзяленне індыйскай кампаніі Hindalco Industries, правяла першы закупачны тэндар з пастаўкамі ў 2023 г. і ў яго ўмовах пазначыла, што не будзе прымаць алюміній расейскага паходжання. Да вайны ў Еўропу пастаўлялася 40 адсоткаў расейскага алюмінію.