УСУ: Украіна здольная пераламаць ход вайны на Данбасе
2- 1.01.2023, 21:17
- 8,988
Але патрэбны HIMARS і MLRS.
Сілы абароны Украіны здольныя пераламаць ход вайны супраць Расеі на Данбасе. Аднак для гэтага спатрэбіцца больш рэактыўных сістэм залпавага агню HIMARS і MLRS. У Масквы яшчэ ёсць рэсурсы, каб працягваць вайсковыя дзеянні. Пра гэта заявіў спікер Усходняй групоўкі УСУ Сяргей Чараваты.
У эфіры ўсеўкраінскага тэлемарафону UA Разом ён распавёў аб тым, што Украіна можа пераламаць ход вайны ў Данецкай і Луганскай абласцях. Аднак для гэтага ўкраінскім войскам трэба больш РСЗА, такіх як HIMARS і MLRS.
Таксама вайсковец зазначыў, што ў Расеі яшчэ ёсць рэсурсы, каб працягваць вайну супраць Украіны.
«На жаль, такую вайну тыпу пачатку 20 стагоддзя ў Расеі яшчэ ёсць магчымасць весці, яна мае мабілізацыйныя рэсурсы, запасы старога савецкага ўзбраення. Аднак можна істотна яе пераламаць, калі нашы партнёры працягнуць і далей, ці яшчэ лепш інтэнсіфікуюць пастаўку нам высокадакладных сістэм узбраення ці авіяцыі, ці ўзмоцняць ракетныя войскі і артылерыю», - падкрэсліў Сяргей Чараваты.